О, Пресвята́я Влады́чице Богоро́дице, Цари́це Небеси́ и земли́, вы́шшая а́нгел и арха́нгел и всея́ тва́ри честне́йшая, чи́стая Де́во Мари́е, ми́ру блага́я Помо́щнице, и всем лю́дем утвержде́ние, и во вся́ких ну́ждах избавле́ние! При́зри и ны́не, Госпоже́ Всеми́лостивая, на рабы́ Твоя́, Тебе́ умиле́нною душе́ю и сокруше́нным се́рдцем моля́щияся, со слеза́ми к Тебе́ припа́дающия и покланя́ющияся пречи́стому и цельбоно́сному о́бразу Твоему́, и по́мощи и заступле́ния Твоего́ прося́щия. О, Всеми́лостивая и Премилосе́рдая Де́во Богоро́дице Чи́стая! Воззри́, Госпоже́, на лю́ди Твоя́: мы бо гре́шнии не и́мамы ины́я по́мощи, ра́зве Тебе́ и от Тебе́ ро́ждшагося Христа́ Бо́га на́шего. Ты еси́ засту́пница и предста́тельница на́ша. Ты еси́ оби́димых защище́ние, скорбя́щим ра́дование, си́рым прибе́жище, вдо́вам храни́тельница, де́вам сла́ва, пла́чущим весе́лие, больны́м посеще́ние, немощны́м исцеле́ние, гре́шным спасе́ние. Сего́ ра́ди, о Богома́ти, к Тебе́ прибега́ем, и на Твой Пречи́стый о́браз с Предве́чным на руку́ Твое́ю держи́мым Младе́нцем, Го́сподем на́шим Иису́сом Христо́м взира́юще, умиле́нное пе́ние Тебе́ прино́сим и вопие́м: поми́луй нас, Ма́ти Бо́жия, и проше́ние на́ше испо́лни, вся бо суть возмо́жна хода́тайству Твоему́: я́ко Тебе́ сла́ва подоба́ет ны́не и при́сно и во ве́ки веко́в. Ами́нь.

О Пресвятая Владычица Богородица, Царица неба и земли, Та, что выше ангелов и архангелов, и достойная большей чести, чем все творение, чистая Дева Мария, благая Помощница миру и опора всем людям, избавительница во всех нуждах! И теперь, Всемилостивая Госпожа, обрати внимание на рабов твоих, молящихся Тебе с исполненной умиления душой и сокрушенным сердцем, со слезами падающих ниц перед Тобой и поклоняющихся пречистому и приносящему исцеления Твоему образу, и просящих Твоей помощи и заступления. О Всемилостивая и Премилосердная Дева Богородица Чистая! Посмотри, Госпожа, на людей Твоих: ведь мы, грешные, не имеем другой помощи, кроме как от Тебя и от рожденного Тобой Христа нашего Бога. Ты заступница и молитвенница за нас. Ты ‒ защита тех, кого обижают, к тебе могут обратиться за помощью сироты, Ты оберегаешь вдов, Ты ‒ слава дев, Ты радуешь плачущих, Ты посещаешь больных, Ты исцеляешь немощных, Ты спасаешь грешных. Поэтому, о Богоматерь, мы обращаемся к Тебе и, глядя на Твой Пречистый образ с Предвечным Младенцем, Которого Ты держишь на руках, Господом нашим Иисусом Христом, возносим к Тебе наполненное умилением пение и восклицаем: помилуй нас, Матерь Божия, и исполни нашу просьбу, ведь все может Твое ходатайство: и Тебе надлежит воссылать славу, сейчас и всегда и во веки веков. Аминь.