Да обратится болезнь твоя на главу твою, и на верх твой хула твоя да снидет, лукавый бесе и нечистный: аз бо Господу Богу моему кланяюся, и Того никогдаже похулю. Како бо ми возможно Сему досадити, или Его похулити, Егоже по вся дни и нощи и часы славословлю, и покланяюся от всея ду­ши моея, и крепости и мысли моея; но убо славословие мое есть, хула же твоя еси: ты узриши, о нихже нань клевещеши, и яко от­ступник на Бога глаголеши.