Го́споди Иису́се Христе́ Бо́же наш, всели́выйся в сердца́ двунадеся́тых апо́столов нелицеме́рно, благода́тию Всесвята́го Ду́ха, соше́дшаго в ви́де о́гненных язы́к, и сих устне́ отве́рзый, и нача́ша глаго́лати ины́ми языки́: Сам Го́споди Иису́се Христе́ Бо́же наш, ниспосли́ Того́ Ду́ха Твоего́ Свята́го на отроча́ сие́ (имя): и насади́ во ушеса́ се́рдца его́ Свяще́нныя Писа́ния, я́же рука́ Твоя́ пречи́стая на скрижа́лех начерта́ законополо́жнику Моисе́ю, ны́не и при́сно и во ве́ки веко́в. Ами́нь.