Боже Отче всеблагой! Ты единородным Твоим Сыном Господом нашим Иисусом Христом рек: просите, и дастся вам… всяк бо просяй приемлет… или кто есть от вас человек, егоже аще воспросит сын его хлеба, еда камень подаст ему? кольми паче Отец ваш Небесный даст блага просящим у Него (Мф.7:7-11). Верою убо объемля в сердце моем Тобою реченная, взываю Ти: даждь ми ныне Духа Твоего Святого, да укрепит сердце мое к подъятию труда исповеди, к благоразумному решению или вязанию совестей человеческих, к терпению и благодушию, к любезному и назидательному обращению с моими духовными чадами.